The lourensbreytenbach.com BLOG

Newest stuff first. Scroll DOWN to see ....
Monday, March 5, 2018, 17:35 | No Comments »

Tree-climbing

So you are up the tree
You got up there
fighting gravity
as if it could do anything
to you except to make you fall

But you were going
going up the tree
until you got high up in the tree

The only thing the tree worries about
is the

Oh it is just a tree
it doesn't think like you do
up the tree

and gravity is not really doing its best right there, is it
because you are still up the tree

or maybe gravity wanted you to go up
it let you

but it doesn't talk about it

God Forbid ...
Just now everyone will be climbing trees!

 

 

 

 


Sunday, December 31, 2017, 13:51 | No Comments »

Ons het gedink 2016 was 'n moeilike jaar. Toe kom 2017. En dit was ook moeilik. Dit het vir my gevoel die hoogtepunte was laer en die laagtepunte ... um ... hoër!

Die wêreld was so vol drama! Die gewone skokke van elke dag was meer intens. En alles was so blêrrie uitputtend. Of word ek maar net ouer?

Maar ek wil dié jaar wat verby is nie weer oorhê nie. Ek is bly dis verby!

So hier is my DRIE wense vir jou vir 2018:

1) Mag jy en jou mense 'n gesonde, rustige, gemaklike en ontspanne jaar beleef. 

Mag die bierjies en wyne (of water, koffie en tee!) soeter smaak. Mag jou kos lekkerder proe en die braaie langer .... Mag die oomblikke saam met jou vriende en familie werklikwaar aangenaam en vol liefde en waardering vir mekaar wees. Mag jou oomblikke van rus en privaatheid meer word. Mag jou Geloof versterk word deur die Heilige Gees se hulp.

2) Mag jy 'n beter werksjaar beleef.

Ek wens dat jy minder konflik, spanning en onnodige drama sal ervaar. Ek hoop dat jy sommer baie geld sal maak. En dat jy die geld wat jy wel verdien beter sal aanwend - meer pret daarmee sal hê. Ek hoop jy bou goeie verhoudinge met jou kollegas en vennote. En ek bid dat jou kliënte jou vir jou harde werk sal waardeer en beloon. Mag jy sommer baie werksbevrediging ervaar.

3) Mag ons land en ons wêreld 'n beter jaar beleef.

Mag korrupsie en leuens deur diens en waarheid vervang word.
Mag misdaad in jou wêreld vasgevat word. Mag jy en joune veilig en gelukkig in julle huise, karre en omgewings voel.
Mag die armoede en swaarkry deur voorspoed en welwillendheid vervang word. 

Kom ons maak 2018 'n goeie een!


Monday, December 25, 2017, 22:47 | No Comments »

so you are up the tree
you got up there
fighting gravity
as if it could do anything
to you except to make you fall

but you were going
going up the tree
until you got high up in the tree

the only thing the tree worries about
is the

oh

it is just a tree
it does not think like you do
up the tree

and gravity is not really doing its best right there
is it

because you are still up the tree

or maybe gravity wanted you to go up
it let you

but it doesn't talk about it

god forbid

just now we will have everybody climbing trees


Tuesday, November 7, 2017, 21:35 | No Comments »

Teleurstelling

 

Is wanneer jy onthou hoe pragtig jou ouma was

Hoe groot haar skoot was ... haar huis ...

vol brode en skaapvleis

en buite die hoenders

nefies en niggies; maatjies wat speel

en honde wat hardloop soos die wind!

 

Oupa se growwe wit snor

twak, pyp, die olie-ruikende skuur

en hooi, spasie en wit kalk op klipmure

 

die kragopwekker

die eerste trampolien

ons beddens was so hoog

en daar was nie duvets nie

 

niemand was alergies of hyper nie

die sterkste pil was ‘n disprin

of as jy amper dood was met hoofpyn ...

‘n KP-poeier

 

ek was so gelukkig en het fietsgery en geswem

my niggies was die mooiste girls op aarde

my nefies was die funste dudes op aarde

ek was een van hulle

 

My ma-hulle het my uitgelos op die plaas

Ons het buite gaan speel

Ingekom vir koffie, koeldrank en drukkies

Pap in die oggend

Beskuit en melktert teen teetyd

‘n bak vol koue vleis en brood met kaas en konfyte

Lekker gekookte kos in die aand

Altyd roomys voor slaaptyd

 

Daar was nie rekenaars of slimfone of iPads of DSTV nie

Daar was nie Exploras of Gigs nie

En mense het nie regtig so baie gepraat nie

Maar die stories was mooi

My mense het lekker gelag

 

en ek het so uitgefreak oor die pispotte onder die beddens!

 

en ons het donker gehad; ons het stilte gehad

maar die plaas het nie eers ‘n hek gehad nie!

... daar was niks palisades nie

daar was nie een rooi oog in die hoek van enige kamer nie

daar was nie een traan in die rondawel nie

 

Ons het gasverwarmer-water bietjie-bad gehad

En in die dam geswem

Grasvoete haastig by die agterdeur afgevee

Haastig om weer uit te hardloop

 

Ek het nie eers gedink aan dood of seerkry of val nie

My groottoon het baie pleisters op gehad van hardloop

My bene het fietsgetrap en boomgeklim

My arms het geswaai en gegooi

...

Ek weet niks van Traaifiena af behalwe dat sy hardwerkend en gaaf was nie

ek het nie haar kleinkinders ontmoet of saam met hulle gespeel nie

ek kan tot vandag toe nie hulle taal praat nie

ek wonder of ons vriende sou kon wees

 

ek weet nie of Traaifiena in die aande ook noodwendig op ‘n hoë bed wou slaap nie

maar haar bed was ook hoog oor die Tokkelossie ... hoor ek

ek was nooit in haar huis in nie ... daar anderkant by die stroois ...

en ek is nie seker of Phineas die Mercedes sou wou afry see toe nie

 

Ek weet nie wat Traaifiena se regte naam was nie

En ek weet nie of die rose beter gegroei het omdat Phineas hulle natgegooi het nie

Traaifiena het my getroos toe ek my vingers op die koolstoof gebrand het

Sy’t sunlight seep op my vinger se blaas gesmeer en die brand was weg

Phineas was geduldig met my toe ek die krismisrose met my stok geslaan het

 

Maar ek is so teleurgesteld

En my hart soms is die pikswart turf wat die kragstasies

tussen Bethal en Standerton kom wegskraap het

My trane is die vuil water in ons dorpe

Rommel soos kosmosse teen ou doringdrade

 

Ek is so moeg vir al die gemors in die strate en die ongeskiktes

Ongeskikte mense wat niks meer voel nie ... ry voor my in

Vat my links verby

Stop nie werklik by die stopstraat nie

Stop enige plek

Ry as dit nie jou beurt is nie

Druk voor my in die ry in

 

Ek is so moeg vir die mense wat vir my wag by die robotte

Honderde mans wat hulle troffels en kwaste in die gras steek op die hoek

Duisende mense wat oopoog dood in die strate loop en suffer soos zombies

Soos in die movies

 

Teleurstelling is ‘n koue uitgeholde pampoen met ‘n fake gesig vir die heksenag

Dit is die leë boksie sigarette as jy dit oopmaak

Dis die spaarblikkie sonder tinkel

Dis die bankrekening wat leeg is

Dis die suur sluk melk

‘n pap wiel

‘n ou vriendskap wat doodloop

‘n vrot eier – stink stink stink

‘n eerste spataar

‘n gebreekte tand

‘n kind wat druip

‘n bang nood ... ‘n skuldige gewete oor iets wat jy nie moes gesê het nie

 

En dan is jy teleurgesteld

 

Maar Traaifiena het vir my putupap met baie bruinsuiker ingeskep

En Phineas het my kop gevryf as ons tuingemaak het

Hulle het gemaak asof ek nie ‘n witmens was nie

Hulle het nie dwelms gebruik en my ouma vasgebind en met ‘n strykyster gebrand nie

Hulle het nie my oupa met ‘n byl op die stoep aangeval nie

 

En ek is so teleurgesteld

Want ek het niks!

en Traaifiena en Phineas is dood

En my ouma en my oupa ook

Net soos al die baie arm en ou swartmense en geelmense en bruinmense wat niks het nie

En witmense wat niks het nie

 

Teleurstelling is die wreedste emosie op aarde

 

Jy kan my liewer bangmaak of los

Jy kan my ignoreer of vir my lag

Jy kan my slaan of afskeep

En jy kan my beledig of spot

 

Maar die een rede waarom ek sal moedopgee op hierdie aarde

Is die verskriklike pyn wat kom soos ‘n dief in die dag

As jy my teleurstel

 

Vriendelike stil lem tussen my ribbes terwyl jy in my oë kyk en glimlag


Wednesday, October 4, 2017, 21:47 | No Comments »

Raad vir die lewe

Van Mnr Lourens Breytenbach (Hoërskool Roodepoort)

  1. Die lewe is kort en die aarde is nie ons huis nie, so hou jou oog op die Ewigheid en wees 'n nederige en gelowige kind van die HERE.

  2. As iemand jou wil slegsê of afkraak, sê vir hulle:
    "Your opinion of me ... has nothing to do with me!"
    Iemand het een keer gesê: "In order to live a free and happy life, one should live independent of the good opinion of other people."

  3. Moenie "fake" (kunsmatig) wees nie. Niemand kan werklik opregtheid naboots nie! Wees eerlik teenoor jouself en almal om jou.

  4. Omring jouself met mense wat binne en buite mooi is. En kry vir jou mooi goed om jou lewe op te helder. Dit hoef nie geld te kos nie. En wees entoesiasties oor elke dag. Dit breek elke oggend. 

  5. Moenie die lewe te ernstig opneem nie. Lag gereeld en loop rond met 'n ondeunde (stoute) glimlag op jou gesig. Maar let wel: Neem jou familie, vriende, werk en jou liefdes baie ernstig op - leef met passie! 

  6. Wees liewer die minste in 'n konfrontasie. Sê gou jammer en vergewe sommer dadelik. Maar as jy jou man/vrou moet staan - kry jou feite reg en baklei hard!

  7. Moenie heeltyd probeer "slim" of "smart" wees nie. Ken jou plek en bly gereeld stil en luister na wat mense vir jou wil sê. Respekteer ouer mense en leer by hulle. En leer jongmense, veral kinders, hoe om gelukkig te wees. Dis so belangrik om geluk te KIES!

  8. Daag op, wees betyds, wees betroubaar en hulpvaardig. Doen jou werk met liefde en doen meer as jou deel. Almal sal jou onthou vir jou diensbaarheid.

  9. Wees sterk en loop regop. Trek jou skouers terug en lig jou ken op! Moenie behoeftig (needy) wees nie. Verdien en spaar jou eie geld. Moenie spunge op mense nie. Wees vrygewig en gee groot tips (fooitjies) aan mense wie goeie diens lewer. Hulle verdien dit.

  10. Moenie altyd besig wees nie. Ontspan doelgerig en wees rustig in stilte in jou kamer of waar jy ookal kan. Veral in die natuur. Wees lief vir die aarde. Kyk na die maan en wolke. Bewonder insekte en plante. Wees lief vir diere. Dis deur stilte en die Natuur wat die Heilige Gees met jou sal praat en jou leiding sal gee, Lees die Bybel. Veral Jesus se woorde.

  11. Drink baie water. Eet wanneer jy honger is. Wees aktief en stap/oefen baie. Maar onthou - tjoklits en biltong is goed vir jou! Gooi weg al die pille en gebruik Cellfood en Moringa. Google dit.

  12. Vergewe jouself en ander mense wie jy dink jou seergemaak het. Dis net die Ego of Duiwel wat lekker kry as jy skuldig voel, kwaad of bang is, verveeld raak of sommer net ongelukkig is. 

  13. Leer en lees soveel as wat jy kan. Dra jou bril (kry een as jy nie mooi kan sien nie) Vind "stuff" uit! Wees 'n spons vir kennis. Leer hoe om behoorlik te kan lees, skryf en spel in Afrikaans en Engels. En leer somme maak. Ken jou tafels!

  14. Pas jou tande op. Only floss the teeth you want to keep!

  15. Goeie musiek, flieks en boeke is die sleutel tot vreugde in jou lewe. Maak seker jy het 'n baie goeie rusbank en bed waarop jy hierdie dinge kan geniet.

  16. Reis en geniet die wêreld. Dis nie geskep om ons te vernietig nie - dis gemaak om ons te help leer en verander. Dis ons speelplek - ons moet kyk na ons moeder Aarde. En dis belangrik, anders sal jy as jongmens se kinders nie daarin kan leef nie. 

  17. Hou gereeld 'n lekker partytjie en kuier hard! Maar moenie drink en bestuur nie. Moenie rondslaap nie. Wees lief vir EEN persoon wat in 'n eksklusiewe verhouding met jou is.
    Help skoonmaak en opruim. Was die skottelgoed en tel die stompies op. Koop blomme vir die tannie. Koop vir die oom 'n bietjie biltong.

  18. Moet nooit te hartseer wees nie. Richard Bach het gesê:
    "Don't be dismayed at goodbyes. A farewell is necessary before you can meet again. And meeting again, after moments or lifetimes, is certain for those who are friends."

  19. Glo dat goeie dinge sal gebeur ... en dit sal. Laat jou oë blink as jy met mense gesels. Vertel 'n grappie. Gee oumense 'n druk totdat hulle bene kraak! Betaal jou huishulp R50 meer as ander mense. 

  20. Moenie jou tyd mors nie - dis so kosbaar. Wees 'n gelukkige en private mens. Jy mag nee sê. Jy hoef nie elke "text" te beantwoord nie. Jy hoef nie elke "post" te share of te reageer op alles op jou foontjie nie. Sit die ding af vir twee dae. Of langer!

  21. Maak jou eie besluite. Dis jou lewe. Vra raad; hoor wat ander sê ...  en dan doen jy wat JY wil. 

Nou goed ... dit is genoeg!

Ek is baie lief vir julle almal. Dankie dat julle julle lewens met my gedeel het. My kinders vir vyf jaar!

 

Liefde,

Mnr Lourens Breytenbach


Copyright ©2019 Lourensbreytenbach.com, All Rights Reserved
This website may use Cookies
This website may use Cookies in order to work better. At anytime you can disable or manage it in your browser's settings. Using our website, means you agree with Cookies usage.

OK, I understand or More Info
Cookies Information
This website may use Cookies in order to work better. At anytime you can disable or manage it in your browser's settings. Using our website, means you agree with Cookies usage.
OK, I understand